Xavi e quan Muriqin sulmues cilësorë

14:45 | 25 Shtator 2023
Arbresh

Një ditë para se Barcelona do të përballet ndaj Mallorcës, trajneri bkatalunas ka folur në konferencë për media.

Aty nuk u la pa u përmendur edhe sulmuesi kosovar i cili është një ndër lojtarët më të mirë që ka Mallorca, shkruan Arbresh.info.

“Mallorca është një ekip i vështirë, mbrojtja ka mbështetje nga pjesa tjetër e ekipit. Është një skuadër shumë e fortë fizikisht, që luan direkt me futbollistët cilësorë si Muriqi apo edhe Darder. Është një udhëtim i komplikuar për ne sepse ata vijnë nga humbja e pësuar nga Girona”, tha Xavi.

Vedati këtë sezon ka shënuar dy gola në gjashtë ndeshje kurse sezonin e kaluar ka arritur kuotën e 15 golave të shënuar.

Barcelona gjendet në pozitën e parë me 16 pikë në tabelën e klasifikimit ndërsa Mallorca është në vendin e 16-të me 5 pikë të grumbulluara pas gjashtë ndeshjeve.

Sfida mes këtyre skuadrave luhet nesër mbrëma me fillim nga ora 21:30. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm